臻 的个人资料臻の房间照片日志列表更多  |  工具 帮助 |
|
7月30日 黑仔嘅日子：练就“七伤拳” - 070730国语版本：Chick here
数个星期前嘅一个星期五晚，踢波果阵左脚拗柴。跟住落嚟阔别咗两个星期波场不达止，仲要咭跛跛咁行。咁啱又遇上公司举行去巽寮湾嘅旅行，噢~~无得参加……
养伤到上个星期五，觉得好返99%。YEAH~终于可以重返球场啦！！都OK啦，入咗3粒，不过最惨嘅係…………被果个S人7叔射咗去我块脸度（射波）。 食咗个“波饼”之后，我嘅右眼从单眼皮变成双眼皮，而且仲有半只熊猫眼…… 话咁快时间就去到上个星期日，去咗号称係全亚洲最大嘅水上乐园——长隆水上乐园！YEAH！好耐无玩过水啦！我中意同阳光玩游戏…… 有所谓“唔怕生坏命，最怕改错名”。呢个“长隆水上乐园”果然係园如其名，个个项目都要“排长龙”…………OMG 结果，晒到一身伤。。。背脊紫紫红红咁，好鬼痕，稍微掂掂佢就劲痛，最惨嘅係：当我瞓上床果一刻，痛到成个弹起，右边嘅头撞咗埋去个床头柜度……起咗栋楼………………啊———— 今日起身，发现因为热气搞到喉咙痛，PP同大腿嘅位置因为前几日嘅运动而酸痛。。。。 啊……唔通我跟谢逊学咗崆峒派嘅绝学——七伤拳？！ HELP…… 6月19日 氹氹转，菊花园 – 070619如要看国语版本：Chick here 今日係农历五月初五，乃係一年一度嘅端午节。讲起端午节就不得不提两件事：粽&龙船。 粽： 细个果阵，阿嬷总会响过时过节嘅时候整啲应节食品。例如过年整煎堆、油角、蛋散，元宵包汤丸，中秋打月饼……端午节，就梗係包粽啦。 细个果阵成日都唔知啲材料係点嚟嘅，只知道每次到到咁上下呢，屋企个厅就会摆晒各种物品准备整架嘞。啲大人响忙之余，亦不忘叫埋我一齐参与。咁其实对我嚟讲，梗係玩嘅成份居多啦。但係响整好之后，总係觉得成品里面有自己嘅一份功劳，所以特别中意叫人哋食多啲，以满足自己内心嘅喜悦。 随住阿嬷响94年病倒，其后每年嘅应节食品，大多数都係买返嚟嘅，食唔到阿嬷整嘅嘢，亦唔可以同阿嬷一齐整嘢食，更唔可以一边食嘢一边听阿嬷讲姖啲古仔……无咗包粽嘅繁琐，自然亦都无咗食粽嘅乐趣。 龙船： “五月初五龙舟节，阿妈带我睇龙船” 细个每逢端午节，我哋都会去到珠江边睇龙船，每次见到有龙船爬过果阵，都会好开心咁大叫起身，即使等待和睇见龙船嘅时间係成高度嘅反比。 亦唔知从几时开始，每逢端午节珠江边某啲路段就搭起晒竹棚、围晒布幕咁遮鬼住人们嘅视线，只係俾果啲买咗票嘅人入去睇。而且海珠桥、解放桥等等嘅桥上都一样围晒布幕，唔俾过桥嘅途人观看。 到底几时先可以重新睇返次珠江嘅龙船呢？ 心中感概，忍唔住要念返首童谣。不过念咗几句就唔记得咗后面啲词。，唯有将唔记得果部分自己作返上去补补咯。 “氹氹转，菊花园，炒米饼，糯米团，阿妈带我去睇龙船，我唔睇俾姖打两拳，打到我鼻肿脸又圆，差啲落咗去见屈原 见屈原……” 6月11日 KT仔仔满月酒 - 0706112007年6月9日 (here is the 国语版本：http://user.qzone.qq.com/8190637/blog/24)
嘿嘿~我就係KT仔仔啦，又叫小黑猪！
~酷~
妈咪~点解佢哋成日望住我嘅？
仲望？打你吖拿！
咦？有人行紧埋嚟喔！
嘻嘻，原来係静姐姐啊！
呜呜~~果个揸住支竹仔扮晒可爱嘅姨姨好恐怖啊。。。妈咪救我啊——！
呼~~大WIN姨姨走咗LU~~吓得我吖吖……
哇~~个大WIN姨姨又返嚟啦，无言……了……
都係呢个哥哥好！一齐嘟个嘴嘴先~！
嘻嘻，静姐姐又嘟
哈哈。。咁开心，唱返只歌仔先~Yo Yo Yo~Check it out~
---------------------------------------------------------------------
在此祝KT仔仔快高长大、听听话话，做只快快乐乐嘅猪仔！ 5月25日 失眠 - 070525here is 国语版本
繁忙嘅工作貌似可以告一段落，但係郁闷嘅心情依然无解放到。本来以为可以靠打场乒乓球、返企屋冲个凉，就可以有个轻松嘅心情响11点瞓觉。
可惜事与愿违，瞓上床之后碌嚟碌去都瞓唔着。拑着部手机，发现原来已经係12点半。无厘头动念：发短信去骚扰下人…………
梗係无咁做啦，不过就令我谂起了两件“半夜短信”来袭嘅事件：
1、大兔响深夜嘅两、三点钟发咗条彩信嚟，内容係乜已经唔记得咗。当时扎醒咗，睇完后随即关咗条短信，好快就再次瞓返着嘞。 2、深夜一点几，收到一条短信（并非大兔所发），内容係话瞓唔着，倾下短信。当时睇到后马上回复，仲揾咗啲话题嚟讲。点知复咗短信之就无再发返过嚟嘞，估计对方係瞓着咗嘞。而我就因此而眼光光响床度，个几钟之后先瞓得返。 总结：原来失眠係可以靠传染来医好嘅，而药方就係短信。 最后无奈之下，谂起之前下载咗几部经典电影仲未睇，唯有开返机，随手拣咗出戏睇——睇成龙大哥嘅《醉拳2》
响优秀嘅武术动作同原创音乐陪衬之下，两个钟好快就过咗。心情稍微有所松驰，睡意亦都开始作祟。响呢度多谢成龙大哥同刘家良师傅嘅陪伴！
不过…………唔知下一次嘅失眠，又有边个可以陪我呢………… 5月10日 Who am I？ - 070510一觉瞓醒，发觉人係好渺小嘅，根本不值一晒，可以响人哋心中留下一点位置，其实已经好足够嘞。 -------------------------------------------------------------------------------------- 4月5日 行正清 - 070405今日係清明节，如果响呢日去拜山祭祖嘅话，就即係俗称嘅“行正清”嘞。而我屋企今年祭祖就拣咗今日，亦就係“行正清”嘞。 一直以为，清明节呢日，会好多人祭祖，但事实并非如此。响呢种反常嘅天气之下，呢个节日亦更显反常：石溪嘅思亲楼，虽然唔係十分嘅少人，但对比起往年嘅“盛况”嚟讲，就有住天渊之别。 老豆话，因为今天係星期四，呢个年头多数人都要返工揾食，已经好少人会“行正清”嘞。 响咁反常嘅节日气氛之下，我都反常咁同屋企人倾起我阿爷，终于对阿爷有啲了解，好有趣，当然，都几意外。 1、阿爷係资本家。（好早就知啦） 总结：阿爷除咗留低一大堆封建家庭问题之外，就乜都无留低嘞。 阿爷，你好嘢！
3月15日 致中意食苹果的朋友 - 070315点击此处进入国语版本
“喂！食苹果啦。”
“唔食。”
“点解唔食啊？你唔係好中意食苹果嘅咩？”
“係啊。”
“咁做乜唔食？”
“车，我中意食就要食架嘞咩？”
“咁你几时食啊？”
“我想几时食咪几时食咯。”
“咁你又话好中意食？”
“我係好中意食啊，不过有话而家想食咩？”
“咁你都要俾我睇得出你中意食先得架，大佬啊！”
“我直头话埋俾你听啦！我~中~意~食~！得未？”
“但係我识你咁多年，未见过你咬过半啖苹果啊……”
唔係话因为中意食苹果就要即刻食，但係可唔可以食一次咁多俾人睇下呢？千年都未见过食一次苹果，好难相信係中意食架咯，仲有啊，啲苹果耐唔食呢，会烂架…… 3月6日 反叛于爱情转移和富士山下 - 070305 点击此处进入国语版本（还可以听到《爱情转移》哦！）
人，总係有反叛嘅性格，无论几时，一定有——
曾几何时，听到有人话出咗个叫“女子十二乐坊”嘅组合，第一感觉係：“车~有咩咁叻啫？得闲就睇下妳班咩人点烂法……”结果，不知不觉咁中意上姖哋嘅音乐，直至因姖哋而爱上咗民族音乐。时间係五年前……
前段时间，陈奕迅出咗只“富士山下”，斋听咗个名，第一时间感觉似“狮子山下”，结果觉得佢应该好垃圾，一直歧视佢唔肯听，几个FRIEND都向我介绍过呢只歌，我嘅反应都係：“唔听，垃圾歌。”
过年前，睇咗凤凰台嘅《爱情呼叫转移》首映介绍，本来有啲想去睇，后来当然係咩电影都无睇到。唔份气，上电驴DOWN落嚟睇，出戏不值一提，小成本小制作，有少少意思。不过觉得只片尾歌“爱情转移”几好听，一下载，原来係陈奕迅唱嘅，唔错，收藏。
今晚，响电驴睇到有《富士山下》嘅MV下载，终于，又涌现呢个念头：“哎，算嘞，睇下只歌有几垃圾……”结果，打开只MV嘅时候，听到熟悉嘅前奏…………原来呢只“富士山下”就係“爱情转移”嘅粤语版，虽然歌词无国语版嘅写得咁好，但亦不失为一只好歌。
原来，反叛嘅性格永远都走唔甩，而且经常会令你错失一啲好嘢……
---------------------------------------------------------
《富士山下》
林夕·陈奕迅 ……我绝不罕有 往街里绕过一周 我便化乌有…… 2月25日 丢空 - 070225 点击此处观看国语版本
突然记起，个BLOG已经被我丢空咗足足两个月……
同时，令我记起另一样被丢空嘅嘢——
一个唔怕痛嘅人，俾人绑住晒啲手脚嚟打，係咩滋味？
“俾人打我就预咗嘞，痛我都预埋嘞。吓？绑住打？咪无得还拖？咁我唔制啦。。。哇~”
原来每个人都必须知道，无得还拖嘅果一种无奈……
无办法，已经丢空咗。。。丢空本应十年前就要去学嘅嘢
原来自己经历咗一个“文革”
即係：
白手点会跑得赢黄、绿、蓝、红、黑、彩手？
哦…………
----------------------------------------------------------------------
“妳的影子剪不断
徒留我孤单在湖面 成伤……” ——《菊花台》·周杰伦 12月26日 这些日子没有太阳 - 061226 “如果我和他之间要选择一个人先死，我会选择他先死，因为活着的要承受更大的痛苦…………”
——张柏芝
终于知道，张白痴都唔算係白痴吖，至少姖比我早明白呢个道理。
近日睇住一个又一个嘅好朋友相继而去，好郁闷。回想每次返风落雨，就会走紧几个。而剩低嘅，就响度承受紧风湿带嚟嘅骨痛…………
好死？赖活？好死之后又要再去赖活，赖活之后等嘅又係一个好死……其实，殊途同归而已……
12月24日 波裤地 - 061223 N年无更新过个BLOG嘞。。。事关上一排又病咗，之后又有连串事情，以致一直无更新。。。。趁得闲，写返篇啦。。
今日，又到咗鄙人嘅生日。响度首先要多谢一个人：响25年前，妳嘅努力、坚持、唔放弃，令我今时今日可以享受到“生存”呢一样嘢，多谢妳啊许女士！当然亦同时要多谢25年零10个月前，周先生一齐参与嘅努力！当然，两位养我成长到今时今日。我呢个做仔嘅无以为报，唯有后数……
接住落嚟就要多谢今日陪伴咗我嘅人：一早俾咗利是我而又拒绝我请佢哋饮早茶嘅阿玛同额娘；同我食中午饭庆祝嘅杨艳；回程时偶遇到嘅JJ&咩料；去K同我庆祝并秉承“让K”作风嘅阿猪、奇哥、二倌&二少奶、C伟哥&C伟嫂。多谢以上嘅各位，令我今日过得非常有意义（ToT 感动到喊。。。）
然后就多谢嘅就係寻日齐齐去大头虾度提前同我庆祝嘅朋友们：深知我心嘅JJ；形象导师咩料；年龄同智力成反比嘅大WIN；坚称自己唔肥嘅肥MATT；识听广州话而又唔识讲嘅王子；刚认识嘅新同事威屎。
最后就要多谢一啲见唔倒面但有俾电话同短信祝福我嘅人们：身处上海、人唔到但礼到嘅肥思；好有心一齐发出祝贺嘅汕头TWINS：蚊蚊&米粉。
好耐都无好似今次咁高调咁过生日嘞，上两年都係低低调调咁就过咗，虽然都仲有保留简单嘅仪式，但知道嘅人少之又少，而且都係知道嘅人请我食饭。所以，决定今年要过得高调啲！当然，今次唔可以再俾人哋请，等我埋单得嘞。虽然係我请，但每一餐都食得好开心、好WARM，再次多谢各位陪我！（虽然大头虾果餐我最中意果味只係食咗一件，虽然同杨艳食果餐午餐稍嫌简单，虽然响CEO度班友唱嘅生日歌唱到走晒音…………但少少嘅美中不足，无所谓啦，金无足赤~缺陷都係美吖~！）
嗯，讲到今年嘅愿望。。。不得不再次BS下响K房班衰仔，竟然话我：“唔使谂啦，年年咪又係果个——得嘞，知道晒嘞，唔灵架啦，快啲吹蜡烛把啦！”…………哈哈。。无错，我每次吹蜡烛前许嘅愿次次都係同一个，不过你哋又知唔知，我许嘅愿望係：“我希望可以吹熄眼前呢支蜡烛！”呢？？？？好多人话生日嘅愿望俾人知道咗就会唔灵。而我呢个咁简单嘅愿望，绝对唔怕俾人知啦，因为就算知道咗都一样可以现实倒。呵呵，许咁多咁复杂嘅愿做乜吖？简单就係一种幸福啦。。。。 ^_^
PS·近来由于劲舞团嘅关系，喜欢上咗呢只SG Wanna BE嘅《我的人》，虽然係韩文嘅，听唔明，但係从歌名以及曲风我感觉到，应该係一个关于守护爱人嘅故事（我估）。写到呢度，突然无厘头地谂到黄健翔著名嘅句子：“他不是一个人在战斗，不是一个人……”
国语版本：Chick Here 11月29日 《美丽的能量5周年北展音乐会》——重投12G的音乐世界·下 - 061128（续上）
11、阳关古道
又係一首我喜欢嘅曲，古筝、笛子、二胡、琵琶、扬琴五种乐器嘅编排配搭非常之好，响呢只曲入面，每件乐器都係主奏嘅同时，某时候亦成为其他乐器嘅伴奏，就连二胡嘅拨弦技术都运用埋，乐曲从悠扬至紧张，将阳关呢个古时候嘅军事重地完全展现出嚟。
12、西域风情
骤眼一睇：西域风情？新曲喔~~终于可以听听新曲，点知。。。。熟悉嘅音乐响起…………$&^&*@^!@…………竟然係Romantic Energy，原先译为“浪漫的能量”，但我更喜欢译做“浪漫的动力”，但如今竟然译成“西域风情”………………好leung啊。。边鬼个译架。。。。打获佢啦。。。。而且。。。我都听唔出同西域嘅关系。。。哎。。。道行未够、道行未够。。。
13、美国组曲——（故乡路、世界之巅）
非常出名嘅两首美国民谣，呵呵~~小弟有幸，从宫崎骏嘅《侧耳倾听》入面认识到只《故乡路》(Country Road)，而且仲非常中意。后来知道係美国民谣大师John Danver嘅手本名曲。而乐坊亦响第10只专辑（记忆中好似係第10只吧……）《世界名曲剧场》入面就分别收录咗呢两只曲嘞。使用国乐器演奏西方乐曲，的确係几特别，几有趣。
14、魂之舞
由于呢只曲，令我对小笛子有好深嘅印象：扎起头发攞住长箫十分陶醉咁演绎悠扬动听嘅《魂之舞》，比起一同演奏嘅几位姑娘显得突出（呜呜~~对唔住啊健楠、松梅、爽姐、丽君、媛媛）。时至5年后，台上再次响起《魂之舞》嘅声音，不禁再一次将目光专注于小笛子身上，依然投入、依然陶醉，果然係小笛子（呜呜~~再次对唔住健楠、松梅、丽君、媛媛，仲多咗个琨琨添。。。）
15、泪汪汪
最初听到嘅係响星碟论坛上嘅试听区，当时一共放出四首曲：《多啦A梦》、《盛夏的果实》、《泪汪汪》、《查尔达斯》，第一时间就喜欢上咗呢只《泪汪汪》。二胡加上古筝、琵琶嘅搭配，表现出断断续续泪水响眼眶逐滴逐滴流出嚟，但係感受到嘅并唔係悲哀嘅眼泪，而係感动嘅眼泪……。正式出现于《The Best Of》（最佳改编精选）嘅专辑，而健楠同婷婷更係对呢首曲宠爱有加。
16、查尔达斯
丽君嘅又一首独奏曲。印象中5年前见丽君表演嘅独奏曲目係《塞琳娜之歌》，可能由于当时係第一次表演，手忙脚乱嘅丽君赶到上台果阵先发现只换咗裤而无换上衣，更兼紧张嘅关第，感觉《塞琳娜之歌》唔多好听。呵呵~不过5年后嘅今日已经唔同晒，首先响曲目同人员嘅编排上已经好妥当：在此之前一只曲目，丽君并无上场，有充分时间打点一切。令丽君响呢只《查尔达斯》入面充份发挥到自己嘅水准，无愧为我心目中认为二胡技术最好嘅丽君，呢个SOLO妳威晒啦！
17、天鹅湖
柴可夫斯基嘅名作，无愧嘅一首好音乐。咦？点解台上咁多人咁嘅？除咗伴奏乐队之外，仲有四个黄色衫嘅女仔。。。哦！！原来係特约嘉宾啊~~~头发短短又卷卷果个，咪庞海英？相信睇过5年前首场音乐会嘅人都会记得《新古典主义》入面，中段部分由丽君同婷婷联合“斗琴”嘅“对手”就係姖啦，果段睇到我如痴如醉，不禁倒带睇完又睇、睇完又睇。。。。呵呵~~相信今次庞老师加上呢三位新面孔，一定好精彩啦！
18、新古典主义（莫扎特第四十交响曲+贝多芬第五交响曲+西维尔的理发师）
灯灯灯凳！！三大世界名曲嘅Medley版！并且今次将由庞海英老师连同三位MM：徐宁、言璐、杨爽曲中激斗YY、蒋老师、小雷子、婷婷、丽君。哈哈！我最中意睇嘅斗琴终于又再出现啦！！！从上次嘅2v1演变成今次嘅5v4，精彩啊！！不过今次令我觉得意外嘅係：蒋老师竟然有啲啲咁多走咗拍，而我担心嘅小雷子反而捉拍成功~~~有得有失啊~~~不过总体而言，都係好好睇嘅~！（不禁又试倒带睇多次。。。）
19、铃儿响叮当
由西方圣诞名曲《Jingle Bells》改编而来，收录响第6只大碟《Merry X'mas》入面。响逐渐变冻嘅天气，呢只曲令人更觉得冬天嘅来临：OH~~圣诞到鸟。。。。（哈哈。。。发梦。。。。）
20、组曲（奇迹、敦煌、辉煌）
标志着乐坊成立、成长同成熟嘅三只曲目，一次过呈现出嚟，令人听得兴奋之余又勾起对乐坊5年嚟嘅回忆！一时之间都唔可以用言语表达，唯有静下来好好欣赏！
21、自由
乐坊嘅成名作！亦係呢5年以嚟，乐坊每次表演必定做为结尾嘅保留曲目！而响日本每场嘅演奏会，每到呢一PART嘅时候，全场观众都会起立，并且按音乐节奏拍住手打拍子，场面非常热闹、感动，令人热血沸腾。记得睇2004日本巡演，演奏完指定嘅曲目之后（《自由》已经响演奏会中段演出咗），全场观众不停拍掌，要求Encord。结果演奏完Encord曲目之后，全场观众起立，并依然继续拍掌唔肯离席。最后姖哋唯有又一次响后台出嚟，再次以一曲《自由》答谢全场观众嘅支持！场面实在令人感动。
回看呢一场嘅《自由》，国内观众显得含蓄好多，只有坐前排嘅乐迷鼓掌同打拍子，而更多则係坐响位置上静心欣赏，不过无论如何，好曲始终係好曲，姑娘们，加油！
后记：
睇完咗成只《5周年》DVD，但可惜嘅係我所喜爱嘅《山水》《无词》都係无出现。虽然係咁，但无减我都乐坊嘅支持！女子十二乐坊，希望我哋能够响12月15号嘅深圳真真正正咁见面啦！ 11月28日 《美丽的能量5周年北展音乐会》——重投12G的音乐世界·上 - 061127 好耐无更新个BLOG啦。。。。惭愧下先。。。哎。。。。好~~~一鼓作气，写返篇嘢先。
近日最有FEEL嘅事情，莫过于係拿到咗乐坊嘅几套碟，上面有签名CD同签名海报。。。。嗯。。。计一计，大大话话都有4套签名嘞。虽然4套签名都唔同，唔係无呢个就无果个，唔係多一个就少一个。。。。。
最令我有FEEL嘅，就係《美丽的能量5周年北展音乐会》DVD。原来唔经唔觉，乐坊嘅音乐我已经听咗将近5年嘞。而今次北展嘅演出，比起5年前当然係成熟咗好多啦。而且部分嘅演出曲目，同5年前嘅北京初场演奏会一样，保存返好多有中国民乐嘅味道。比起响日本嘅演奏会，我更喜欢呢一场，几乎每首曲目都能够令我好有感觉。
曲目表：
1、在那遥远的地方
2、依拉拉 3、永隔一江水 以上呢三只，个人认为係因为纪念王洛宾嘅关系，同时亦顺便使用大家熟悉嘅音乐将观众带入音乐会气氛。（惭愧啊，国人对乐坊嘅了解还不如日本人……）
4、星碟花园
因为先入为主嘅关系，我更喜欢第一次听嘅呢个名——《S.D花园》。直至响5周年北展演奏会先得知，原来呢一只係乐坊成立后第一只创作嘅曲！唔怪得咁有中国民乐味道，更被孙媛嘅笛子声深深咁打动咗双耳。而呢只曲5年后有幸在北京重演，令人重新眼前一亮，更可以再一次睇到菁菁演奏古筝（呵呵，几乎所有人都只係记得菁菁打扬琴）。
神秘嘅《星碟花园》，果然係我至挚爱。
５、盛唐乐坊
无记错嘅话，呢只係来自乐坊第五只发行嘅专辑《敦煌》里面嘅原创曲目。个人觉得精华来自后半段急促嘅琵琶弹奏，加上曲谱上对所有嘅乐器编排得几好，可以对得起音乐强盛嘅“盛唐”。
6、香格里拉
另一只我极喜爱嘅曲，睇到呢一幕，心里不禁有另一种感觉：人面不知何处去，桃花依旧笑春风。想当年第一次被香格里拉触动心灵嘅时候见到眼睛大大、笑容满脸嘅张爽姐，如今已经换成眼睛小小、脸带孤傲嘅石娟姐（原谅我认为爽姐比石娟姐更能溶入舞台；虽然石娟嘅技术较好）
不过回归正题，《香格里拉》的确係一首好好嘅曲，山青水秀、风景如画，所以唔怪得我当年将呢只曲听完一次又一次，最后仲用GUITAR PRO编成MIDI，等待某一日可以买一块贵价声卡配上音色库，编制我自己嘅《香格里拉》。（曾经都想尝试《星碟花园》，不过由于未够班，听极都分解唔出佢个谱，哎。。。乐识有限啊。。。）
7、独弦组曲——刘三姐+盛夏的果实+楼兰少女
当我第一次见到呢个乐器时，好难想象呢样可以奏出委婉、哀怨、俏皮嘅乐器，竟然只有一条弦——独弦琴
初时以为，乐器加入摇把係西方传入嘅技术（电吉他），但原来早在数百年前，中国嘅少数民族早就使用咗“摇把+弦”嘅方法制作乐器！将《刘三姐》嘅委婉、《楼兰少女》嘅俏皮，完全表露无遗。而独弦琴嘅演奏者——小雷子，更係现今世上少数懂得玩独弦琴嘅演奏者之一。（希望“不足百位演奏家”嘅呢种命运尽快脱离独弦琴同古琴）
8、花样年华
同样係出自《敦煌》大碟入面嘅原创曲目。本曲从媛媛嘅箫、小笛子嘅长笛作开头，慢慢用二胡、古筝缓缓带起，再到后来嘅扬琴同琵琶加入将节奏带快，完全突出紧张感。不过，可能我斤两未够，听唔出同“花样年华”有咩关系，可能係形容人生响花样年华嘅时代就係如此急促、紧张卦…………（555，莫非我年华已过……）
9、通往明日之门
改编自日本歌曲《明日への扉》（I WiSH）嘅曲目，出现于乐坊第三张发售嘅大碟《辉煌》中。歌曲节奏明朗轻快，容易令人留下记忆。传说肥思就俾呢只曲深深打中心扉……
10、疏勒河
甘肃省内穿过敦煌市嘅一条河。当睇到呢只曲嘅时候，忍唔住暂停咗落嚟，换上咗《敦煌》日本版中嘅DVD，因为当中有除咗有三只MV之外，仲有20分钟嘅旅游特辑——《敦煌之旅》，当中有乐坊去敦煌为当地拍摄嘅旅游宣传节目，希望可以从中睇下对疏勒河嘅介绍。但好可惜，姖哋敦煌之行无去到疏勒河，所以我只能从曲中作出幻想：唔太宽阔但漫长嘅河流，上面悠悠嘅流水，不断经历春夏秋冬嘅洗礼，并无因此停止，而係更溶入气候，缓缓地向远方漫长地流去…………
《美丽的能量5周年北展音乐会》——重投12G的音乐世界·上
~待续~ 10月24日 朋 - 061024 何谓朋？
心如皓月
月者：心也
以心相对
谓之曰“朋”
故朋者
心交之意
无心者毋称谓朋
修曰
君子与君子
以同道为朋
小人与小人
以同利为朋
此自然之理也
故鲁讯先生言
人生得一知己足矣
斯世当同怀视之
予与汝
月否？利否？道否？ 10月10日 国庆中秋二合一 - 061008 国庆啦国庆啦！！！！！终于可以响连踩6日之后有个7日长假嘞，虽然之后又要返足6日，不过都係咁架啦~~尽情玩下仲好过啦。。。哈哈
好耐无整过流水帐式嘅手记嘞，决定复下古，流下水先~~~~
10·1——清纯·邪恶·一日游
一大早应约去咗爬山之旅，行返下几年都无行过嘅白云山。点解会去？因为有靓女去嘛~~呵呵！认识咗呢几位美女，令我感叹：如今世上仲有啲咁纯嘅女仔真係难得，搞到有时谂到GET位都唔敢讲出嚟。。。。响纯洁面前，恶搞彻底被打败……呢种女仔，嗯。。。。几特别。。。几好。。。。
上到山顶，比起之前嚟真係有好大唔同，最大分别就係多咗个“互动动物园”，咩意思？咪就係有个乜鬼极限运动游乐场，啲人入去玩埋晒啲唔好玩嘅嘢，仲要俾出面啲人睇住晒，但入去玩果啲人又係自愿俾钱入去架喔，咁仲唔係“互动动物园”？
白云山空气就无得顶嘞，又有最想玩嘅“石春路”，而且总共消费亦唔高，大约用咗10几蚊，算係一个唔错嘅行程嘅。
告别咗清洁嘅白云山之旅，马上就赶去由西爷牵头嘅邪恶K房之旅——北京路“尸医噢”，参与者：我、碌葛、西爷、爱肥、爱肥表姐、爱肥表姐男友（无唱过歌，斋嚟食嘢同俾钱，哇~~终于尝到呢种优待。。。）
K完后响“阿碧踢”度食下嘢，再四围行下，散水。1号就咁度过。。。。啊。。。要返去执嘢嘞，第2日去ONE泉之行啊。。
10·2——ONE泉之旅 Day 1
哟呵~~~起程啦哇~~~一大早八点几就去到中国大酒店对面揾齐人上车车啦~~呵呵，临出行前都不忘打个电话讲场俾可恶嘅大WIN听“我哋出发啦~~”。点知呢只拉长咗嘅叮噹（KT爷嘅形容真係好）竟然唔接电话，寻晚一定蒲到好夜啦。好！唔理姖，一于诅咒姖嘅漂流团全部係阿伯……（事后证实，诅咒成功咗！我都话个天有神架啦……）
我哋一行六人团包括：轻装上阵嘅我、海盗LOOK打扮嘅MATT、细细粒大大声嘅鸡鸡、凭年龄优势做上团长嘅咩料、识听识讲但又唔讲广州话嘅王子及其女友识听识讲又真係讲广州话嘅女王。
哎。。。之前一晚鬼咁夜瞓，本来打算响车上瞓下，但竟然瞓唔着，正怀住郁闷嘅心情唔知点算，突然有个人走过嚟搭讪。。。嘿嘿。。。众多条件复合之下，发生咗呢一幕：
A：“喂喂喂，你哋打麻将架？”
B：“係啊。”
A：“好啊好啊，不如一齐玩吖！喂，你哋打几大架？”
C：“嗯，都唔係好大啫，大概係咁大左右啦”（用手指圈咗个大约3cmx5cm大小嘅形状）
A“……”（无瘾地收咗声）
众人：“啊哈哈哈哈哈~~~”
无尽嘅似耻非耻笑声中，我已经彻底将呢个主动搭讪而又唔玩得嘅女人得罪咗。。。。。。。。。。（后来终于得到惩罚：半夜空调熄咗…………啊啊啊。。。。你个肥MATT。。。哈哈。。。。）
大约三个钟后，就到咗目的地——恩平锦江ONE泉啦。哇~~~环境HO鬼靓哇~~简直令我对地球充满返信心~~
响酒店放低咗啲嘢之后，四围LOOKLOOK，跟手就去食个饭先~~嗯，啲嘢味道虽然唔算得特别好味，但都几有特色，而最大嘅特色就係：平（呢个特色问你点顶啊。。。）
食过饭，正值中午两点几，晒到咩咁，干脆通街行下、影下相、然后走去打几圈（由于近来女运比较强，所以输到PK……）。一个转头，已经係下午四点几嘞。好，上房换泳裤，落下面个暧暧嘅泳池游几下热下身，跟去马上向ONE泉区进发！！
由于开始入夜，人开始渐渐少，所以特色池区基本上就係我哋嘅世界，哇。。。好爽，所有泉逐个逐个咁俾我哋浸匀晒。不过个人觉得最爽都係属于“冰火两重天”——响热池同冰池冷热池交替咁浸，来回十次左右，直头爽到唔识形容。。。。。
纵使响ONE泉区已经食咗嘢，但由于係浸ONE泉特别容易肚饿，所以我哋决定返去食嘢————万恶的“华沙比”……哈哈，其实係常规项目：玩UNO（用零食+华沙比惩罚落败者，残忍啊。。。）大输家就係。。。。连第一次学玩UNO嘅女王都话佢係缺口嘅——王子！！！（由于ONE泉将大家嘅疲劳一次过蒸晒出嚟，所以玩到1点几嘅时候，大家就各自返归瞓喽……）
10·3——ONE泉之旅 Day 2
凌晨五点左右（即係瞓咗四个钟之后），热醒咗，发现空调熄咗。。。唔理，继续瞓。。。。（事后估计係肥MATT半夜出外揾人“企一晚”果阵，攞走咗条供电嘅锁匙。。。哎。。。。）
早上八点几，俾肥MATT个电话嘈醒咗，唔理，继续瞓。。。。
十一点半，俾门钟嘈醒咗，唔理，唔得。。。。要起身退房。。。。啊。。。突然发觉个背脊好痛。。。555唔通ONE泉真係会逼啲毒出嚟？？？车，你估黄振龙咩————
食过饭，两点唔够，决定再战四方城，打到四点上车（都係果句：由于近来女运实在比较强，所以依然输到PK……#$%*@^*）
终于响晚上七点返到广州，原以为大家会食埋饭先散水，点知唔係…………哎。。。咁嘅时间，约边个都无人出嚟食啦，唯有自己SS地气响老麦了结啦。。。。
10·4——休养·论文·丁丁车
一觉醒来，噢。。。12点……唔理啦，搞埋篇未完嘅论文先啦，结果用咗三四个钟搞掂咗，呼~~係喔。。。丁丁车有中秋任务喔。。。上去做埋佢先，攞返几个气球旁下身都好吖~~结果响遇到一大堆外挂佬嘅情况下，辛苦地完成咗……得到嘅结论係：船长，踢！宝宝，踢！小强，踢！
10·5——休养之摸手
由于实在顶唔顺寻日丁丁车果啲外挂佬，所以今日决定玩个无乜外挂嘅摸手，点知一玩就係一日…………噢。。。。我嘅蓝丝从30级半升到35级！嘿嘿。。。不过到晚上实在顶唔顺再玩嘞，所以决定睇出啱啱LOAD完嘅正嘢——《战狼传说》……哇。。。笑到S咗。。。
10·6——大呼山二公DOWN车烧炭团
呢一日，应“讲清二公团”嘅召唤，去咗“翻偶”嘅“大呼山”秋游，行程包括：等齐人集合上车（结果都係唔齐）、集体坐车入番禺（竟然又要再俾钱）、踩伤人单车上山（结果都係踩返单人）、上到山（其实连山腰都未过）、开始烧烤（烧炭起炉都烧咗成大半个钟）、食饱饱（由头到尾得三样嘢食：爖咗而难食嘅肠仔、难食而爖咗嘅牛丸、唔爖唔难食但一人得一只嘅鸡翼……）、沟通下顺便沟下（幻想。。。。）、一齐玩下游戏（千几人围住踢一只毽）、开开心心返广州（竟然成为全日最达到目标嘅环节。。。）
哎。。。。二公团。。。。只不过係一班LAN仔无聊时参加嘅组织啫，二字何在？连让位俾阿婆都做唔到。。。。二喔。。。算啦，不予致评，反正我都係去玩下、见下班从未见过嘅人啫。。。。。
10·7——买衫不遂，回家睡睡
一大早俾C伟嚟吵醒咗，话要去买药买衫，结果我就乜都买唔倒，其后奇哥叫战阳光都无埋心情。。。算啦，唯有“买衫不遂，回家睡睡”啦，Last Holiday。。。。。又要轮回鸟。。。
----------------------------------------------------------------------------------------------
中秋佳节，播返只同月光有关嘅歌啦。谂咗谂，终于响众多之中，拣返呢一只旧旧嘅、而个人又好中意嘅！听咗咁耐，唔好话唔知係咩歌啊~~
……
世间万千的变幻 爱把有情的人分两端
心若知道灵犀的方向 那怕不能够朝夕相伴 ……
城里的月光把梦照亮 请守候她身旁 若有一天能重逢 让幸福撒满整个夜晚…… 9月27日 Quota之我信有神 - 060926 我信有神，而且我仲相信，神好照我——赐咗好多朋友俾我。所以，朋友，我有好多：隔离邻舍、小、中、高、大学甚至公司都有，男女老少高矮肥瘦好坏益损全部囊括。实在十分感激神俾咗咁多个朋友我，对我嘅眷顾实在无以复加，有时直头分身不瑕。 原来，神都中意吸人电话。。。。。 9月21日 W与Z的对话 - 060921W：哎 Z： W：今晚要给人拉去吃饭鸟~~ Z：真好。。。。有人请吃饭，还是用拉的 Z：吃完了还可以拉……S W：错~~今次是我请别人吃~~~~遇到和你一样的情况鸟 Z：“介绍女孩子”啊？ W：是啊，说是介绍女孩子给我~~ Z：嘿嘿。。。 W：其实是想蹭我的饭 Z：哎。。。你跟他说：“直接和我说要我请吃饭好了” W：合起来宰我一顿 W：算啦~~再说我也想看看那个女生长的如何 Z：哈哈。。。无所谓啦。。。100多块买一个希望，彩票而已。 W：甘又系~~~ Z：如果是好东西的话，那就赚了啦，虽然多半是亏的 W：刚刚跟老妈打电话~~说我晚上不回家吃饭，和朋友出去吃~~这个朋友我妈认识，她问我朋友什么时候结婚~我说快了~~我妈说：“那你怎么不快点~” W：无拉拉又提到我~~~555~~ Z：哈哈。。。你娘想抱孙子想过头啦 W：急不来的 W：对了，你的经历怎么样？ Z：都一样吧。。。总局觉得还是那招 W： Z：就是那个◎◇□★咯，说介绍女生给我，出来唱过几次K，不太愉快的经历 W：怎么不愉快？ W：◎◇□★介绍的女生你不中意 Z：相貌还可以啦，看得出是个挺爱玩的女生，不过这些都不是问题，问题是—— Z：一整场，她是唱的，我是听的 W： W：从这点看出来有点不懂人情世故的女仔~~不过会不会是你多心了？ Z：除了因为早到半小时可以唱到以外，直到服务员进来说快到点才不插歌，结果到点的时候，我们点的歌就到了 W：……………… Z：不管我是不是想多了，但表面证供已经是成立了 Z：唱完就6掉了，无俾钱…… Z：不过看着◎◇□★的面子上就算了 W：哈哈~~~是郁闷 W：◎◇□★认识的都什么朋友啊 Z：不知道，据说是好朋友，所以这事就算了，免得伤了和气 W：对 W：下次也不用出去了，免得又郁闷一晚上 Z：说回你自已今晚的吧 W：不知道今晚会怎样~~~希望别遇上你说的这样的女生 Z：愿主保佑你 W：阿门 --------------------------------------------------------------------------------------------- 注：各位识得我嘅朋友，唔使胡乱猜测呢个“◎◇□★”係边个，因为本人遭遇呢种事情比较多，一定估唔嚟架嘞，亦唔使因为见倒呢啲对话而唔介绍“笋盘”俾我（记住要係“笋盘”啊）。以上对话，纯粹只係对朋友嘅同情同支持，祝佢好运………… 9月14日 静鸡鸡的午间课堂 - 060914 中午食完饭，无乜睡意之下，同鸡鸡倾咗阵谒，点知越倾越多，结果成个中午嘅休息时间就咁无咗。。。 9月11日 疯狂上网 - 060911包月鸟！终于包月鸟！嘿嘿。。。终于TMD包月鸟！！！！ 哇~~爽得我吖。。。 星期五中午，终于收到“吓服小姐”嘅通知，终于包咗月鸟。 当晚踢完波返到去屋企，horse up决定咗要开返个通宵down嘢先，一报之前“想down又唔敢down”之仇！当然，之前点都要“反”下车车先，嘿嘿！ 唔知係咪无咗限时嘅束缚，输赢唔再成为重点。。。所以，战况係输赢各半……  ……呵呵~~真正原因係——去咗L3场……玩咗几条初级场玩唔倒嘅赛道。。。。睇嚟又再次成为new hand鸟。。。555打完车车喽，down啲咩嘢好呢，嗯……呃……哦……係咪衰呢……以前限时果阵，见倒样样嘢都唔敢down，而家包月嘞，一时间又唔知down啲咩……唔理啦，见倒咩就down咩啦…… 星期六，继续沉沦于包月上网嘅欢娱当中，摸下手仔先（魔兽）！而娘亲亦乘势进行姖嘅QQ。玩到半路，突然醒起要去“做善事 ”喔！咋咋冧求其着件衫，RUN出去整返张飞先~~（当晚马上知道果然係做咗善事啦，哎~S人阿仙奴、S人纽卡素！S人布力般！） 星期日，瞓到十二点，跟住依然沉沦于魔兽当中。后来见倒提示下载完毕，噢~~原来係唔知几时放入去Download嘅《QQ音速》下完鸟，呵呵~~试玩下都好。。。玩落又有啲难度喔——跑步版嘅音乐游戏，呵呵~~好彩本人音乐感都唔差~~一阵就升到3级，嘿嘿~~（其实係因为有双倍经验嘅原因……） 晚上，终于醒起有咩要Down啦！！就係《我猜》系列嘅其中一集——《音乐系美女》！呢头谂起，果头就马上去揾先！（嘿嘿，包月就有咁嘅好处）响BT度揾咗好耐都无种子，卒之都係响电驴度揾倒！Down Down Down！！！ 呢集嘢终于响临瞓前down完……忍唔住，睇埋先瞓。。。呵呵~~果然正！不得不再一次倾倒于人靓声甜琴技好嘅林逸欣裙下……  ……凭住一曲小提琴版嘅《囚鸟》压倒其他几位靓女，虽然姖哋都好正…… 忽然谂起：係喔！话要下只《囚鸟》咁耐，一直唔记得，趁记得下埋佢先！靓人加靓曲，无办法唔成为今个星期嘅主打，可惜揾唔倒林逸欣演奏版，暂时放住彭羚嘅演唱版先啦。
疯狂上网后遗症：好眼瞓啊…… 9月6日 错过 - 060906·附：改词《再遇错爱的人》 FOR 洋蔥頭 当“错过”成为关键词。
寻晚，俾人“以WIN之名”同“以肥之名”昆咗出嚟，最后演变成食寿司同睇手机。
返归果阵，行到去车站，惯例地等咗好耐都无102，心里就谂，如果有黄的蓝的就打，如果一直无就等到有102嚟为止。情况如下：
“有的喔——依~~都唔係黄或者蓝嘅，唔打”
“有车喔——都唔係102”
“有的喔——睇唔清係咩色添，算啦，唔理佢”（原来係蓝色嘅……）
“有车喔——外壳咁残，唔使睇都知唔会係102啦”（开走一刻先发觉，係102……）
“唔理嘞，有102就上、有的就打、唔理咩色！我已经‘饥不择食’啦！！”（其后5分钟内既无102又无空的……）
“又有的喔——绿色嘅……唔上，等部好啲架啦，反正都‘饿过饥’嘞……”
“啊，有蓝的，睇嚟隔离位C奶好似有需要过我喔——阿姨，你先啦”
“黄的啊！”（扬手——终于可以返屋企嘞——）
有要求果阵，总係等唔到要求中嘅嘢；要求降低咗，有时会发现原来根本无降过，反而仲俾平常眼光蒙蔽咗，到头来又错过咗本来自己想要嘅嘢；当真正将要求降低果阵至发现，降唔降低根本唔到你话事，因为就算你肯降，未必就会有货；当你发觉呢一点果阵，唯有坚持返自己个原则，点知原来机会就响身边；而当再次发现机会来临之际，你又会发现，其实“让”可能又会得到中另一啲嘢；无论如何，你终会得到你想达到嘅目标。——————虽然到达果阵可能已经好迟，但我唔后悔，皆因我又唔识超光速，无得时光倒流。。。。
“错，从来不用去认。认了，错不会变对。所以，认错是没有用的。” ——倪匡
---------------------------------------------------------------------------
番外编：
由于一晚错过咗咁多嘢，满脑子都係“错过”呢两个字，突然灵光一闪，谂倒六个字——错过了爱的人……
当年听《飞星传真》果阵，认识咗一班朋友，其中好喜欢玩嘅一个游戏就係——改歌词，而且仲同啲人交流意见。有一次洋蔥頭将《爱与痛的边缘》改成只《错过了爱的人》俾我睇，我笑姖啲词作到一塌糊涂，而且连歌名起错咗，并应承帮姖执返正。估唔到今日俾我谂返起——原来我一直无做过呢样嘢。。。。马上教都唔瞓，即刻执好佢！
经过一轮征战，歌词终于出来鸟，歌名亦改为《再遇错爱的人》。呢一份歌词，面世时间迟咗足足三年……
已经好耐无联络过洋蔥頭嘞，到底而家仲联唔联络倒姖都係个未知数…………谨以致诚，献上歌词——（“洋蔥頭，妳安息啦……”）
---------------------------------------------------------------------------
《再遇错爱的人》
每晚我也想你 期望你出现
每晚我也紧记 回眸那张脸 若再可跟你相见 在那天捉紧这一次 别要将手放开 可不可多爱一遍 再次与你相爱 仍是我心愿
过去也会不再 从未怕心酸 在世间辗转兜了几圈 未去解释今天单身的打算 问你可否再选 望找一天共我拾回温暖 回望昨天爱未停电
但是这天却未重现 我也许恨恨将你点燃 放弃爱的思念 方可再历险 如若昨天往事重现 亦也只好当是磨练 到某夜再次碰到失眠 都可清楚这是少见 |
MIC|
|
